05 мая, 2011

Уся Беларусь на Google Maps у высокім разрозьненьні

На днях, спадарожнікавыя здымкі ўсёй Беларусі ў Google Maps былі абноўленыя.

Зараз уся Беларусь у высокім разрозьненьні. Зараз бачна кожную вуліцу ў кожнай вёсцы.

Напрыклад, так выглядаў гарадзкі пасёлак Халопенічы яшчэ тыдзень таму:


А так ён выглядае зараз:


Старыя здымкі яшчэ некалькі дзён будуць бачныя ў Картографе.

У тым ліку, нарэшце, абноўлены і Віцебск - самы вялікі з гарадоў Беларусі, для якога не было якасных спадарожнікавых здымкаў.

Тыя мясцовасьці, для якіх былі здымкі яшчэ бОльшай якасьці (дзе бачныя і дамы), напрыклад, Менск, абноўленыя ў гэты раз не былі; быў толькі абноўлены кавалачак пад Менскам ад Калодзішчаў да аэрапарта.

Ў зону абнаўленьня патрапілі таксама прыгранічныя раёны суседніх краінаў; напрыклад, уся Віленшчына.

Што ж, нарэшце атрымаецца нанесьці ў Картографе вёску бабулі і дзядулі! :) Асабліва, ведаючы, што вашыя праўкі ў Картографе зараз трапляюць на асноўныя Google Maps у лічаныя хвіліны. А калі вы ніколі не карысталіся Картографам раней, паглядзіце мае пасты пра яго з парадамі.

А даведацца ў час пра наступныя абнаўленьні дапамагае сэрвіс Follow Your World. Проста ўвядзіце назву мясьціны, якая вас цікавіць.

Камэнтары 7 камэнтароў
trevelier выказаўся

Для Магілёва пакінулі стары здымак бяз ратушы (пачалі адбудоўваць у 2007-ым). Паводле якасьці ён лепшы за віцебскі, больш "каляровы". Мо, таму вырашылі й не зьмяняць?

czyk выказаўся

Эх, віцебская карта стравата.

Ihar Mahaniok выказаўся

czyk, а які год?

trevelier, так, Магілёў у лепшым разрозьненьні, таму яго не зьмянялі. Тут бачна розьніцу: http://maps.google.com/?ie=UTF8&ll=53.982162,30.359387&spn=0.00624,0.016512&t=h&z=17

Зьверху - новыя здымкі, якімі пакрылі ўсю Беларусь, ніжэй - здымкі Магілёву

darashkevich выказаўся

Гэтым разам мая вэска зноў выглядае як нярэзкая пляма. Дакладней, мяжа добрай і кепскай якасці пралягае па маіх сотках. Калі яны абнаўлялі здымкі, як такое можа быць, што нярэзкая пляма засталася на тым жа месцы?

Ihar Mahaniok выказаўся

darashkevich, можна спасылку?

darashkevich выказаўся

Ігар, а як даць гэтую спасылку? (я не ўмею). І можна ў прыват?

Ihar Mahaniok выказаўся

Пішы на mahaniok@gmail.com

Post a Comment

Пра мяне

Ігар Маханёк

Інжынэр-праграміст у Google.
Інфармацыйны гік.
Сам зь Менску, але зараз жыву ў швайцарскім Цюрыху.

ihar@mahaniok.com
@mahaniok_be у Twitter

Падпішыся Стужка


Падпісвайцеся на мой блог у Google Reader, па e-mail, альбо дадайце [info]mahaniok_be ў фрэндстужку ў ЖЖ.
Альбо проста фолаўце мяне ў твітэры, я зьмяшчаю ўсе спасылкі там:

Friend Connect Чытачы

Калі ласка, далучайцеся.

Мой профіль на Friendfeed Я ў інтэрнэце

Twitter


Friendfeed

Заўвага

Мае думкі і выказваньні могуць не адлюстроўваць пазыцыю майго працадаўца.